Pixel wo-n-i aanelueg
langsam ha-n-i sicher gnueg
Was sinn das fir armi Drepf:
nyt als Pixel vor de Kepf!
Hesch emoole lätz parkiert
kunnt prompt e Schugger aamarschiert
denn griegsch sone Pixel-Zeedel
laider find ych das nid eedel:
Ych lyyd schreeglig Hellequale
wie kaa me mit däm Fetzel zahle?
dr Homo pixelius als Kreenig vo dr Evolution?
finde Si das nid au e Hohn?
Mit dääre Clique foht‘s aa hapere
wenn bi allne d‘Gnöche glappere.
Die maischte hänn Ersatzdail drin
und d‘Orthopäde mache Gwinn
Ystoh ka bald kaine meh
e Jedem tuet‘s halt naime weh.
Bim Marschiere klemmts efang
numme s‘Suffe klappt no lang!
Wenn de mainsch do oobe kasch go ässe -
das muesch am beschte grad vergässe!
Laider ka me doo nit d'Stägen uff -
sunscht wärde ganz e Huffe muff!
Uns isch es nämmlig nid egaal -
es isch s'AIGEDLIGI Cliquelokal!
De frogsch di wär do yne goht? -
Numme die mit QR-Code!
Und allefalls no ihri Gescht -
nur so beschtosch dr Ytrittstescht!